ए डिभिजन लिगमा मनाङद्धारा एनआरटी पराजित
२५ मंसिर, काठमाडौं । राजधानीमा जारी सहिद
स्मारक ए डिभिजन लिग फुटबलमा उपाधिको दावेदार मानिएको मनाङ मस्र्याङ्दीले
न्यूरोड टिम एनआरटीलाई पराजित गरेको छ ।
सोमबार भएको खेलमा मनाङले बलियो
प्रतिद्वन्द्वी एनआरटीलाई १-० ले पराजित गरेको हो । जितसँगै ५ खेलबाट ११
अंक जोडेको मनाङ दोस्रो स्थानमा उक्लिएको छ भने एनआरटी ७ अंकका साथ सातौं
स्थानमा छ । लिग लिडर मच्छिन्द्रको ५ खेलबाट १३ अंक छ ।
त्रिपुरेश्वस्थित दरशथ रंगशालमा भएको
खेलको पहिलो हापमा एनआरटीले मनाङलाई गोल गर्न दिएन । एक पछि अर्को गर्दै
एनआरटीको पोष्टमा आक्रमण गरेको मनाङ ६५ औं स्थानमा गोल गर्न सफल भयो ।
मनाङका लागि कप्तान अनिल गुरुङले गोल गरे । त्यसपछि पनि मनाङले केही राम्रो
मौका पाएपनि गोल गर्न सकेन भने एनआरटीले पनि खेलमा र्फकने राम्रो मौका
गुमाएको थियो ।
सोमबार नै भएको अर्को खेलमा आर्मी र
मध्यपुर युथ एसोसियशनले गोरहित बराबरी खेल्दै अंक बाँडेका छन् । बराबरीपछि
आर्मी ५ खेलबाट ८ अंकका साथ पाँचौं स्थानमा उक्लिएको छ भने समान खेलबाट ६
अंक जोडेको मध्यपुर नवौं औं स्थानमा छ ।
No comments:
Post a Comment