पदोन्नतीमा आरक्षणको विषयलाई लिएर भारतको उत्तर प्रदेशका १८ लाख कर्मचारी आन्दोलनमा

 मंसिर २८/  आरक्षण सम्बन्धि संसोधित पदोन्नतिमा आरक्षणको विषयलाई लिएर भारतको उत्तरप्रदेशका १८ लाख कर्मचारी आन्दोलनमा उत्रिएका छन् ।विधेयक राज्यसभामा पेश भएपछि यसको विरोधमा कर्मचारीले अनिश्चितकालीन हड्ताल शुरु गरेका छन् ।बिजुली, पानी, स्वास्थ्य र ढुवानी जस्ता अत्यावश्यक क्षेत्रमा भने आन्दोलन भएको छैन । सूचीकृत जाती÷जनजातिका कर्मचारी र अधिकारीलाई आरक्षण दिने प्रस्तावको विरोध गरिरहेका कर्मचारी संगठन, शिक्षक लगायतले आन्दोलन शुरु गरेका हुन् ।सूचीकृत जातिका कर्मचारी आरक्षण पाएर माथिल्लो पदमा पुग्ने तर सामान्य कर्मचारी भने तल्लो पदमा रहिरहने भएकाले पदोन्नतीमा आरक्षण हुन नहुने उनीहरुको तर्क छ । आरक्षणको पक्षमा रहेका कर्मचारीहरुले भने हड्तालको प्रभाव पर्न नदिन चार घण्टा अतिरिक्त समय काम गर्ने भएका छन् ।