जाडोका कारण मृत्यु

सप्तरी, २५ मंसिर । केही दिनयता बढेको चिसोले कठ्याङग्रिएर सप्तरीको मधुपट्टी गाविसमा एक वृद्धको मृत्यु भएको छ ।
मृत्यु हुनेमा जिल्लाको दौलतपुर गाविस–३ निवासी ७५ वर्षीय सुख राम रहेको प्रहरीले जनाएको छ ।
मागेर जीविका चलाउँदै आएका वृद्ध रामको शव मधुपट्टी गाविस–७ स्थित कनकपुर प्रतिक्षालयमा फेला परेको जनाइएको छ ।
उनको शव परीक्षणका लागि राजविराजस्थित गजेन्द्र नारायण सिंह अस्पताल ल्याइएको छ