‘निर्वाचनका नाममा सत्ता लम्बाउने षड्यन्त्र’

भक्तपुर, २५ मंसिर । नेकपा–माओवादीका सचिव देव गुरुङ्गले सरकार टिकाईराख्न निर्वाचनलाई बाहना बनाएर प्रधानमन्त्री बाबुराम भट्टराई र एमाओवादीले षड्यन्त्र गरिरहेको बताएका छन् ।
भक्तपुरमा आज रफत सञ्चार क्लवले आयोजना गरेको कार्यक्रममा उनले एमाओवादी निर्वाचनमा जान डराएको बताए । उनले भने, ‘बाबुराम भट्टराई र एमाओवादी निर्वाचनको बाहनामा सत्ता लम्ब्याउन चाहेका छन् ।’
उनले कांग्रेस र एमाले सत्ताका लागि एमाओवादीको पछि लागेको भन्दै सरकारलाई सडक आन्दोलन हटाउनु पर्ने बताए । उनले एमाओवादीलाई धेरै महत्व नदिन कांग्रेस र एमालेलाई सुझाव दिए ।