सरकारको अन्त्य सुनिश्चितः अध्यक्ष थापा

जनखबर,

काठमाडौं, २५ मंसिर । राष्ट्रिय जनशक्ति पार्टीका अध्यक्ष सूर्यबहादुर थापाले बर्तमान सरकारको अन्त्य निश्चित भएको दाबी गरेका छन् ।
काठमाडौंको मालीगाउँस्थित आफ्नै निवासमा आज सञ्चारकर्मीसँग कुरागर्दै उनले परिस्थितिले बर्तमान सरकारको बर्हिगमन गराउने बताए । ‘खोला थुनेर धेरै दिन राख्न सकिन्न,’ उनले भने, ‘खोला थुन्न खोजे ठूलो क्षती हुने निश्चित छ ।’
‘गतिशील राजनीतिलाई बाबुराम र प्रचण्डले थुनेर राखेका छन,’ उनले भने, ‘यसको परिणाम पनि खोला थुनेर राख्नु जस्तै हुन्छ ।’
उनले दलहरुवीच भएको सहमति अनुसार कांग्रेस सभापति सुशील कोइरालाको नेतृत्वम सहमतिको सरकार बनाएर अघि बढ्नु पर्ने सुझाव दिए ।