जनखबर
फिलिपिन्समा हालै आएको बोफा समुद्रि आँधीका कारण मृत्यु हुनेको संख्या ५४० पुगेको छ । आँधीबाट अन्य ८२७ जना बेपत्ता रहेको आइतबार प्रकाशित सरकारी तथ्याङ्कमा जनाइएको छ ।हराइरहेका मध्ये थप शव प्राप्त भएपछि मृत्यु हुनेको सङ्ख्या ५४० पुगेको सञ्चारमाध्यमहरूले जनाएका हुन् ।
समुद आँधीका कारण अझै सयौं व्यक्ति हराइरहेकाले मृतकको सङ्ख्या अझै बढ्न सक्ने जानकारी नागरिक प्रतिरक्षा प्रमुख बेनिटो रामोसले दिए । सो आँधीबाट एक हजार ८८ जना घाइते भएको पनि रामोसले बताए ।
यस प्रकोपबाट करिब ५४ लाख व्यक्ति प्रभावित भएको समाचारमा जनाइएको छ । गत मङ्गलबार बिहानैबाट सुरु भएको यस बोफाको कारण लाखौं व्यक्तिलाई सरकारी शरणार्थीस्थलमा सारिएको नागरिक प्रतिरक्षा मन्त्रालयले जनाएको छ ।
No comments:
Post a Comment