फेसबुक र टि्वटर चलाउनु यौनक्रीडा गर्नुभन्दा पनि बढी आकर्षक तथा आनन्ददायक भएको एक अमेरिकी अनुसन्धान-प्रतिवेदनमा उल्लेख गरिएको छ।
सिकागो विश्वविद्यालय, बुथ स्कुल अफ बिजिनेसले जर्मनीमा गरेको सर्वेक्षणमा फेसबुक तथा टि्वटरजस्ता सामाजिक सञ्जाल हेर्नु, त्यसमा तस्बिर राख्नु एवं अरूले राखेका कुरामा टिप्पणी गर्नु यौनक्रीडा गर्नु वा चुरोट पिउनुभन्दा पनि आकर्षक भएको देखिएको हो।
यस्ता सामाजिक सञ्जाल सजिलै उपलब्ध भएको, त्यसमा संलग्न हुन धेरै लागत पनि नलाग्ने भएकाले यसलाई पन्छाउन निकै कठिन भएको सर्वेक्षणबाट देखिएको यसका प्रमुख अनुसन्धानकर्ता विलहेल्म होफम्यानले बताएका छन्। यस्ता सामाजिक सञ्जालमा १८ देखि ८५ वर्ष सम्मका व्यक्ति सहभागी हुने गरेका छन्।
No comments:
Post a Comment