ए डिभिजन लिग : आर्मी र मध्यपुर, मनाङ र एनआरटी भि

सहिद स्मारक ए डिभिजन लिग फुटबलमा सोमबार नेपाल आर्मी र मध्यपुर युथ एशोसिएशन तथा मनाङ मर्स्याङ्दी र एनआरटीबीच प्रतिस्पर्धा हुँदैछ ।दिउँसो साढे १२ बजे हुने पहिलो खेलमा अंक तालिकाको छैठौ स्थानमा रहेको नेपाल आर्मीले ११ औ स्थानमा रहेको मध्यपुर युथ एशोसिएशनको सामना गर्दैछ ।आर्मीले यसअघि खेलेका ४ खेलमध्ये २ वटामा जित, एकमा हार र एकमा बराबरीको नतिजा सहित  ७ अंक जोडेको छ भने मध्यपुरले एकमा जित, दुई वटामा बराबरी र एकमा हारको नतिजा निकालेर ५ अंक जोडेको छ ।

त्यस्तै दिउँसो साढे २ बजे हुने चौथो स्थानमा रहेको मनाङ मर्स्याङ्दी र सातौ स्थानमा रहेको एनआरटी आमने सामने हुँदैछन् । मनाङ मर्स्याङ्दी २ खेलमा जित र दुई वटामा बराबरी खेलेर ८ अंक जोडेको छ भने न्युरोड टिमले दुई खेलमा जित, एउटामा बराबरी र एउटामा हारको नजिता निकालेर ७ अंक जोडेको छ ।मछिन्द्र क्लबले खेलेका ५ खेलमध्ये ४ मा जित र एकमा बराबरी सहित १३ अंक जोडेर लिग तालिकाको शीर्ष स्थानमा छ । तालिकाको पुछारमा रहेको बौद्धले अंक जोड्न सकेको छैन ।