जनखबर
धादिङ, मंसिर २४ - धादिङको दार्खा र गुम्दी गाविसमा गरि दुई जनाको
हत्या भएको हप्ता दिन नपुग्दै धादिङकै आगिन्चोक गाविसमा एक महिलाको हत्या
भएको छ ।
महिला हिंसा बिरुद्ध बिश्वव्यापी अभियान चलिरहेको बेला उत्तरी धादिङको
आगिञ्चोक गाविस वडा नम्बर ५ विर्ता गाउकी ३२ वर्षिया पम्फा उपाध्यायको
हत्या भएको प्रहरीले जनाएको छ ।
घरमा सामान्य बिवाद भएकै कारण शनिवार राती पम्फाको हत्या भएको हुनसक्ने
जिल्ला प्रहरी कार्यालय धादिङका प्रमुख विकाशराज खनालले बताउनुभयो ।
उपाध्यायलाई आईतवार बिहान मृत अवस्थामा भेटिएकाले उहाँको हत्या भएको अनुमान
गरिएको हो ।
पम्फाको घांटीमा डामहरु देखिएकाले उहाँको हत्या घांटी थिचेरै भएको हुन
सक्ने अनुमान गरिए पनि हत्या हुनुको कारण वारे अनुसन्धान पछि मात्र खुल्ने
प्रहरीको भनाई छ ।
माइती पक्षले पम्फाको हत्यामा उहाँकै श्रीमान लक्ष्मीप्रसादको संलग्नता
रहेको आरोप लगाएका छन् । लक्ष्मीप्रसादलाई अनुसन्धानका लागि पक्राउ गरिएको
प्रहरीले जनाएको छ ।
No comments:
Post a Comment