कुर्चिलाई केन्द्रमा राखेर गरीने बार्ताले निकास दिन सक्दैन ः मोहन बैद्य 'किरण'

काठमाडौँ, मंसिर २८/ नेकपा–माओवादीका अध्यक्ष मोहन बैद्यले दलहरुबीच कुुर्सी केन्द्रित वार्ता भईरहेको भन्दै अहिलेकै अवस्थामा सहमति बन्न नसक्ने ठोकुवा गरेका छन् । अहिले भईरहेका छलफल देश र जनताको हितमा भन्दा व्यक्ति र पार्टीको स्वार्थका लागि भएको उनको भनाई छ । सम्वाद डवली नामक मिडिया क्लवको आज राजधानीमा उद्घाटन गर्दै बैद्यले एजेन्डा विशेषमा केन्द्रित रहेर छलफल गर्न सरकार र दलहरुलाई आग्रह गरे ।कार्यक्रममा एकीकृत माओवादीका प्रवक्ता अग्नी सापकोटाले दलहरुबीच प्रधानमन्त्रीको विकल्प तयार नहुञ्जेल बाबुराम भट्टराईले कुर्सी छाड्न नसक्ने बताए । त्यस्तै नेपाली काँग्रेसका नेता मिनेन्द्र रिजालले बाबुराम भट्टराई नेतृत्वको सरकारले देश र जनतालाई धेरै दुःख दिएको भन्दै तत्काल सहमतिको मार्ग प्रशस्त गर्न आग्रह गरे । कार्यक्रममा एमाले नेता प्रदिप नेपालले भने अहिलेको अवस्थामा प्रतिपक्षले गर्ने आन्दोलनको कुनै तुक नहुने बताए ।