राजनीतिक दलहरुबीच सहमति भए त्याग गर्न तयार छु ः बाबुराम भट्टराई

काठमाडौँ, मंसिर २८/ प्रधानमन्त्री बाबुराम भट्टराईले राजनीतिक दलहरुबीच सहमति भए आफू त्याग गर्न तयार रहेको बताएका छन् ।ुकेही दिन वा हप्ता भित्र दलहरुले समग्र प्याकेजमा सहमति कायम गरेर वर्तमान राजनीतिक गतिरोधको निकास दिनै पर्दछ,ु अठारौं महानगर दिवसको अवसरमा शुक्रबार राजधानीमा भएको कार्यक्रममा उनले भने, ुप्रधानमन्त्रीको हैसियतले म त्यसका लागि जनुसुकै भूमिका निर्वाह गर्न र त्याग गर्न तत्पर रहेको पटक पटक दोहोर्‍याइसकेको छु ।ुप्रधानमन्त्रीले दलहरुबीच राष्ट्रिय सहमति कायम गरी संविधानसभाको नयाँ निर्वाचनमा जानु नै सवभन्दा उत्तम विकल्प भएको उल्लेख गरे । ुत्यसैले सरकारले आगामी वैशाख भित्र संविधानसभाको निर्वाचन गर्ने कार्यमा जुट्न सवैलाई आव्हृान गरिसकेको छ,ु उनले भने, ुनयाँ निर्वाचनवाट मात्रै हामी मुलुकमा विद्यमान लम्विदो संक्रमणकाल अन्त्य गरी राजनैतिक गत्यावरोधको निकास खोज्न सक्छौं र मुलुकलाई आर्थिक सामाजिक समृद्धिको नयाँ मार्ग मा डोर्‍याउन सक्दछौं ।ुप्रधानमन्त्रीले स्थानीय निकायमा जनप्रतिनिधिहरुको रिक्तताका कारण ती निकायमा जनताको प्रत्यक्ष नियन्त्रण र निगरानी कमजोर बन्न पुगेको उल्लेख गरे । ुफलस्वरुप यतिखेर हाम्रा स्थानीय निकायहरु आर्थिक अनुशासन पालना, सेवा प्रवाह एवं विकास निर्माणको काममा कमजोर  वन्दै गएका छन्,ु उनले भने, ुपछिल्लो समयमा विभिन्न स्थानीय निकायमा देखापरेको चरम आर्थिक उच्छृंखलता र भ्रष्टाचारजन्य कार्यको श्रृंखलालाई सरकारले गम्भीरतापूर्वक लिएको छ ।